Pơkâ kong pơlê Qủng Ngãi pơla hơnăm 2021-2030, pơkâ mâu tơdroăng vâ pêi troh hơnăm 2050 châ Ngế pro xiâm hnê ngăn Chin phuh kĭ hâi lơ 22/11/2023,  ƀă 3 tơdroăng vâ pêi ki kân: Quảng Ngãi mơnhông ngăn tiô mâu tơdroăng pơkâ pêi ahdrối ki rơdêi krê dêi tơná - troăng mơnhông mơdêk tiô túa krá tơniăn; má péa cho Quảng Ngãi - môi tíu troh nếo, ki trâu rơkê tung cheăng kâ ki xiâm kơpong Tơdế tơnêi têa ƀă pái cho Quảng Ngãi pơtối rak vế pêi pro ki rơdêi krê xêh vâ chiâng Tíu xiâm ngăn ngăn ‘na kế kâ xiâm têa kơxĭ, cheăng kâ a chuăn  rơlố, tơdroăng cheăng kâ Đông-Tây.

Pơkâ mê ai 4 tơdroăng cheăng kâ kân, 6 tơdroăng cheăng kâ ki rơdêi ƀă 2 tíu xiâm ki mơhnhôk mơnhông tơƀrê, 3 tíu xiâm kơphô̆. Kong pơlê pơkâ mơjiâng Tíu xiâm rah xo, hrik chuâ têa châu ƀă pro on tơhrik tơnêi têa a kơpong Cheăng kâ Dung Quất ƀă mơnhông tơƀrê tơring rơlố Lý Sơn chiâng Tíu xiâm ôm hyô a chuăn rơlố têa kơxĭ.

A rôh leh Kăn xiâm hnê ngăn tơnêi têa Võ Văn Thưởng ƀă mâu kăn hiăng pêi pro mâu pơkâ mơjiâng tơdroăng tơkêa bro troăng Hoàng Sa - Dốc Sỏi;  kăn hnê ngăn kong pơlê Quảng Ngãi diâp Pơkâ vâ môi tuăn ƀă troăng rơhlâ ‘no liăn mơjiâng pro mâu tơdroăng tơkêa bro mơnhông kơphô̆, kơpong pêi cheăng ƀă kơmăi tung kong pơlê.