Tối tơbleăng a rôh tơdah, Kăn xiâm hnê ngăn tơnêi têa tối ăm ‘nâi: tung plâ hên hơnăm hdrối, Việt Nam hiăng đi đo mơ-eăm, tơrŭm môi tuăn dêi rơpó po mâu rôh hôp ƀă ai tuăn hơ-ui tŏng kum, rơtế ƀă mâu khu tơrŭm cheăng; khu vâi pú tung lâp tơnêi têa, vâi pú tung lâp plâi tơnêi hiăng pêi pro tơdroăng hơlêm ki châi heăng dêi kuăn mơngế, veăng kum ƀă kring vế mâu ngế ki tơ’lêi tro khíu hơ’nêng tung tŭm tơdroăng xơpá.

Pơtối rak vế, pêi pro troh lâp lu tơdroăng ki lĕm hmâ pêi pro ton nah  ki lĕm tro dêi hdroâng mơngế, Đảng, Tơnêi têa Việt Nam đi đo tơmâng khât ƀă mâu tơdroăng tŏng kum dêi tơnêi têa tơná ƀă dêi lâp plâi tơnêi. Kăn xiâm hnê ngăn tơnêi têa púi vâ, tung la ngiâ, Hiệp hội Khu lo tŏng veăng  ƀă Trăng lưỡi liềm khêi lâp plâi tơnêi, Vi ƀan ngăn lo tŏng veăng lâp plâi tơnêi ƀă mâu khu tơrŭm Mơhnhôk pêi pro tơdroăng tŏng kum pơtối ăm Việt Nam châ tơmâng pêi pro tâ, Kơjo kum, mơnhông tơrŭm cheăng ƀă mâu Khu lo tŏng veăng Việt Nam pêi cheăng trâu rơdâ tâ, mơjiâng tơrŭm cheăng krá ton vâ Việt Nam kô châ veăng ‘no hnoăng hên tâ nếo ăm mâu tơdroăng cheăng ‘na tŏng kum dêi lâp plâi tơnêi.