VOV4.Xơ Đăng - Pôa Nguyễn Xuân Phúc, Kăn xiâm hnê ngăn tơnêi têa tơdah kăn teăng mâ Việt Nam a kong têa Swiss, cho pôaPhilipp Rosler rơtế ƀă Khu mơdró dêi kong têa Swiss lăm pôu Việt Nam, tăng tơdroăng vâ tơrŭm cheăng tê mơdró mơdêk tơrŭm cheăng kâ tê mơdró, ‘no liăn cheăng pơla Việt Nam ƀă péa tơnêi têa Alơmăng, Swiss. Kăn xiâm hnê ngăn tơnêi têa púi vâ pôa Philipp Rosler pơtối veăng môi tuăn ƀă mơdêk tơdroăng tơrŭm cheăng tơpui kâ pơla Việt Nam - Alơmăng, tơdroăng tơrŭm cheăng pơla Việt Nam ƀă Swiss; mơhnhôk mâu khu mơdró Alơmăng, Swiss ƀă châu Âu mơdêk ‘no liăn cheăng tê mơdró a Việt Nam.

Kăn xiâm hnê ngăn tơnêi têa tơdah kăn teăng mâ Việt Nam a kong têa Swiss

Malối tung mâu tơdroăng cheăng pơ’lêh nếo ƀă xúa kơmăi kơmok ki dâi lĕm. Kăn xiâm hnê ngăn tơnêi têa xuân púi vâ pôa Philipp Rosler tơpui mơhnhôk ƀă mơdêk vâ Swiss rĕng kĭ a hlá mơ-éa tơhrâ tơrŭm tê mơdró tơniăn pơla Việt Nam ƀă Khu EFTA.

Gương tơplôu ƀă tơbleăng