Kŏng ti pêi cheăng tiô rơnó Môi tung khu Kơphế 15, cho dêi Kuân khu 5 nôkố rak ngăn lối 820 ha kơphế ƀă 130 ha kơxu. Tâi tâng kơxô̆ liăn châ xo hơnăm kố dâng 150 rơtal liăn, tơdroăng rêh ối dêi mơngế pêi cheăng ai hên ki pơ’lêh, pê lo liăn riên rêm khế môi ngế châ 9,2 rơtuh liăn. Tơdrêng ƀă tơdroăng cheăng kâ-rêh ối, kŏng ti ối veăng hriâm, hbrâ vâ tơplâ’ Hbrâ xí xiá vâ kong prâi pro ôh tá tơniăn, tăng tŏng xo mâu ngế xơpá hliăng tiâ ƀă hbrâ mơdât pơreăng; kơhnâ mơ-eăm tŏng kum kuăn pơlê mâu hdroâng kuăn ngo tung kơpong tơdroăng tơkêa pro xăm kơtiê krá tơniăn; rơtế ‘no ivá mơjiâng thôn pơlê nếo tung kơpong pro đông.

A rôh pêi cheăng, Kăn xiâm phŏ hnê ngăn Kuô̆k hô̆i - Thươ̆ng tươ̆ng Trần Quang Phương hnê mơhno Kŏng ti pơtối mơnhên troăng vâ prôk ki vâ mơnhông tơƀrê tung mâu hơnăm la ngiâ; pêi tro tâ nếo tơdroăng mơjiâng Đảng, mơjiâng tíu pêi cheăng krá rơdêi “djâ troăng kơhnâ”; pêi tro tơdroăng hnê mơhnhôk, ‘no ivá tơdjuôm mơjiâng kơpong a Tơdế tơnêi têa - Tây Nguyên.