Cheăm Ea Ktur ai 8.500 rơpŏng, 38% pơ’leăng mâ mơngế cho mơngế hdroâng kuăn ngo Rơđế, M’Nông, Thái, Tày, Nùng, Dao ƀă hía hé. Mâu hơnăm hiăng hluâ, ing tơdroăng pêt mâu loăng plâi ton hâi môi tiah kơphế, tiu, sầu riêng... tơdroăng rêh ối dêi kuăn pơlê rế hía rế phâi hơtô, kơxô̆ rơpŏng kơtiê pá kơdâm 5%.

Veăng hâi xah hêi ro, Đăi tươ̆ng Lương Tam Quang rơkâu mâu tơdroăng châ tơƀrê ki kuăn pơlê mâu hdroâng mơngế a Ea Ktur hiăng châ tơƀrê tung mâu hơnăm hiăng hluâ.

Ngế xiâm pơkuâ Kŏng an pói vâ tung la ngiâ khu râ kăn pơkuâ hnê ngăn cheăng Đảng, khu râ kăn pơkuâ ƀă kuăn pơlê Ea Ktur tối krê ƀă Dak Lak tối tơdjuôm pơtối tơ’noăng, mơ-eăm pêi kêi đeăng a kơlo ki hên, pơkâ hneăng hôp Đảng mâu râ, pơtối mơnhông khôi túa vâi krâ nah, ivá tơrŭm môi tuăn tâi tâng hdroâng mơngế, mơjiâng pơlê xiâm tơnêi têa rế hía rế kro mơnhŏng rơdêi, hơniâp lĕm.