Tiô tơbleăng, troh nôkố, kong pơlê Cà Mau ai 7 tuá pơkâ châ ƀă hluâ plâ hneăng hơnăm 2020 – 2025, ƀă tối hdrối troh tâi hneăng kô ai 15/17 tuá pơkâ châ plah ƀă hluâ pơkâ pêi. Nôkố tơdroăng cheăng kâ dêi kong pơlê pơhlêh tiô tro troăng, Cà Mau ối má môi lâp tơnêi têa ‘na pêi lo liăn tê ngi kong têa ê ‘na xi xŏng. Lâp kong pơlê ai 64 cheăm châ plâh thôn pơlê nếo. Mơgêi roh pêi cheăng, pôa Tô Lâm, Kăn xiâm pơkuâ hnê ngăn Đảng kheăn kơdeăn tơdroăng mơ-eăm ƀă mâu tơdroăng châ tơƀrê ki Đảng ƀô̆, khu râ kăn pơkuâ ƀă kuăn pơlê kong pơlê Cà Mau hiăng châ tung pơla kố nah.

Kăn xiâm pơkuâ hnê ngăn Đảng xuân pơkâ thế Cà Mau pơtối mơdêk rĕng tah lôi tíu ki kreăng, tíu ki mơdât ăm mơnhông; xo kuăn mơngế, khu tê mơdró pro tíu xiâm, mơhnhôk ƀă rak tơniăn tŭm tơdroăng tung dế ƀă pa kong ăm mơnhông cheăng kâ – rêh ối pơlê pơla; tơkŭm pơhlêh pơkuâ tơnêi têa ƀă pơhlêh tơdâng tơ’mô, tâi tâng a kơpong tơnêi têa ƀă kơpong krế, pơhlêh ó rơdêi tíu mơ’no liăn cheăng, tê mơdró.