Ngế pro xiâm hnê ngăn Chin phuh tối tơrŭm cheăng  pơla Việt Nam - Brazil troh nôkố tơkŭm 5 tơdroăng ki bô bối, tơ’nôm tơdroăng xiâm pêi pro, tá mâu tơdroăng: tuăn tơmiât ki môi tiah, loi nhoăm; ai mơhno túa lĕm tro vêa vong hơniâp lĕm tung mơnhông rơdêi. Ngế pro xiâm hnê ngăn Chin phuh khĕn kơdeăn ing mâu tơdroăng ki môi tiah mê, tơdroăng tơrŭm pơla Việt Nam - Brazil tung mâu hơnăm hdrối mê hía nah hiăng hlo tơƀrê tung hên tơdroăng, tung mê, ai péa tơnêi đi đo tơpui tơno tơrá khu kăn xiâm ƀă mâu râ kăn pơkuâ ‘na cheăng kâ - tê mơdró mơdêk krá tơniăn.

Pakĭng mê, péa pâ xuân tơrŭm krá mâu hneăng hôp hên troăng. Mơhno ki môi tuăn ƀă mâu tơdroăng tối dêi pôa Phạm Minh Chính - Ngế pro xiâm hnê ngăn Chin phuh, pôa Lula da Silva, Kăn xiâm pơkuâ kong kong têa vâ môi tuăn kô tơrŭm tơbleăng mâu troăng hơlâ vâ mơdêk tâ nếo tơrŭm cheăng tung la ngiâ, tá mơnhông tơpui tơno tơrá mâu kăn ƀă trâm mâu râ kăn, malối a râ kăn xiâm; tơrŭm tơbleăng pêi ai pơxúa tơbrê mâu tơdroăng chêh tung hla mơ-éa tơrŭm hiăng châ kĭ tơhrâ.