Tơbleăng mơgêi tơdroăng pêi cheăng hơnăm 2023 ƀă troăng pêi la ngiâ, hnoăng cheăng pêi cheăng hơnăm 2024 dêi Kơ koan xiâm riân liăn ngân, tơmeăm khoăng tơnêi têa hiăng pêi kêi đeăng tâi tâng pơkâ pêi tơdroăng pêi cheăng hơnăm 2023 ƀă hên tơdroăng ki má môi.

Tơdroăng riân kế tơmeăm khoăng pơtối pơ’lêh nếo tiô troăng rơkê vâ châ tiô pơkâ thế pêi châ plah ‘’Dâi lĕm, dâi lĕm tâ ƀă dâi lĕm tâ mê nếo’’. Hơnăm 2024, vâ pêi pro tơdroăng cheăng, hnoăng cheăng châ pơcháu, Kơ koan xiâm riân tơmeăm khoăng tơnêi têa pơtối pêi pro troăng pêi ‘’iâ tê laga dâi lĕm’’, kơdroh tơdjâk troh tơdroăng pêi cheăng dêi kơ koan riân liăn ngân, tơmeăm khoăng, pêi tiô Troăng pêi cheăng ton xŏn mơnhông Kơ koan xiâm riân liăn, tơmeăm khoăng tơnêi têa troh hơnăm 2030 ƀă mâu tơdroăng cheăng châ hriăn plĕng tơpui tơno séa ngăn dêi Kuô̆k hô̆i, Vi ƀan pơkuâ cheăng Kuô̆k hô̆i, Kơ koan xiâm riân liăn ngân, tơmeăm khoăng tơnêi têa tơkŭm riân liăn ngân, tơmeăm khoăng tơbleăng tơdroăng mơ’no hrê liăn ngân mâu Khu xiâm, kơ koan xiâm tơnêi têa, kong pơlê ƀă mâu roh riân liăn ngân, tơmeăm khoăng tơdroăng cheăng châ hriăn plĕng tơpui tơno lâp Kơvâ tơniăn dâi lĕm.