Lăm pôu  ƀă hơlêm mâu kăn ƀô̆, mâu lêng Tiêh đoân bộ binh 1, cho tung trung đoân 754, khu xiâm pơkuâ ngăn lêng kong pơlê Sơn La, Kăn xiâm phŏ hnê ngăn tơnêi têa Võ Thị Ánh Xuân khĕn kơdeăn tơdroăng kơdôu mơ-eăm dêi kăn ƀô̆ mâu lêng hiăng mơ-eăm pêi cheăng tơkâ luâ xơpá, mơ-eăm pê klêi hnoăng cheăng tŭm tơdroăng ki hiăng pơcháu.

Kăn xiâm phŏ hnê ngăn tơnêi têa pơka athế mâu lêng tơplâ dêi Sơn La tối tơdjuôm, Tiêuh đoân Ƀô̆ ƀinh 1 tối krê pơtối hbrâ pêi pro vâ ‘nâi nhên, tơdroăng tơbleăng hdrối tro tơdroăng; hbrâ tí tăng ‘nâi plĕng ăm râ ủy mâu kăn cheăm tơring kong pơlê, Kuân khu 2 ƀă Khu xiâm pơkuâ ngăn lêng gak tơkăng kong pêi pro teăm tơdrêng mâu tơdroăng trâm hlo, pôi tá kơdrâ.

Rôh kố, Kăn xiâm phŏ hnê ngăn tơnêi têa Võ Thị Ánh Xuân  hiăng hbru 30 kơxu tơmeăm ăm mâu rơpŏng kuăn pơlê ki kơtiê xơpá, 20 kơxu tơmeăm ăm mâu vâi o hok tro kơtiê xơpá tung pơlê kong kơdrâm Sơn La; diâp kơxô̆ liăn pro 10 toăng hngêi tơrŭm tuăn ăm kong pơlê Sơn La.