Kăn xiâm phŏ hnê ngăn tơnêi têa Võ Thị Ánh Xuân tối phiu ro drêng hlo tơdroăng rêh ối dêi kuăn pơlê tung kơtâu mơnhông tơƀrê, kơxô̆ liăn pê lo riên rêm ngế lối 60rơtuh liăn/ngế/hơnăm; kơtâu bú ai 2,49% rơpŏng kơtiê ƀă 6,53% rơpŏng vâ chê kơtiê; tơdroăng kring tơniăn kal kí, rak vế tơdroăng rêh ối pơlê pơla tung cheăm tơniăn.

Kăn xiâm phŏ hnê ngăn tơnêi pơkâ thế râ pơkuâ hnê ngăn Đảng, mâu kăn, mâu khu cheăng tơdroăng kal kí- rêh ối pơlê pơla kong pơlê Bạc Liêu mơdêk hnoăng cheăng hnê tối, mơdêk ki hlê plĕng ‘na tơdroăng cheăng, hnoăng pêi dêi Măt trâ̆n Tơnêi têa Việt Nam tung tơdroăng mơjiâng ƀă kring vế Tơnêi têa.

Ing mâu tơdroăng pêi pro rêm hâi vâ hnê ai hiâm mơno pâ tơnêi têa, tơdroăng hmâ pêi pro ki lĕm khên tơnôu, tuăn chân krá, ing ivá mơ-eăm, ‘na tơdroăng ki lĕm ton nah dêi hdroâng mơngế, malối thế hlê trâu ‘na tơdroăng hmâ pêi pro ton nah dêi kơpong ƀă kuăn mơngế Bặc Liêu, loi khât a tơdroăng mơnhông tơnêi têa, dêi kong pơlê tung mâu hơnăm la ngiâ.