Tiô rơkong krếo dêi pôa Tô Lâm, Kăn xiâm pơkuâ hnê ngăn xiâm Đảng Kŏng san Việt Nam, Kăn xiâm hnê ngăn tơnêi têa Kŏng hòa xah hô̆i chuh nghiah Việt Nam Lương Cường, pôa Tập Cận Bình, Kăn xiâm pơkuâ hnê ngăn xiâm Đảng Kŏng san, Kăn xiâm hnê ngăn Kŏng hòa nhân dân Trung Hoa kô pôu râ Tơnêi têa troh Việt Nam sap ing hâi lơ 14/4 – 15/4/2025.

Kăn teăng mâ Việt Nam a Sinuâ Phạm Thanh Bình ăm ‘nâi: Tơrŭm cheăng Việt Nam – Sinuâ tung pơla hdrối nah rak vế ivá mơnhông rơdêi, kơhnâ ƀă ai hên tơdroăng ki bâ eăng tơrŭm cheăng tơƀrê tung tâi tâng mâu kơvâ cheăng.

Rôh lăm pôu kố cho rôh vâ Kăn pơkuâ xiâm péa Đảng, péa tơnêi têa pơtối tơpui trâu hngế tơdroăng cheăng tung la ngiâ, mơnhên tối ‘na tơrŭm cheăng pơla péa Đảng, péa tơnêi têa, malối cho tơdroăng ki hiăng pêi tơƀrê tung pêi pro mâu tơkêa tơdjuôm râ khu kăn xiâm, mơnhên mâu túa pơkâ pêi, troăng hơlâ mơ’no ki kân mơdêk tơrŭm cheăng péa Đảng, péa  tơnêi têa Việt Nam – Sinuâ mơnhông tơniăn, pơxúa ƀă tơƀrê tâ tung la ngiâ.