Kăn xiâm pơkuâ hnê ngăn Đảng Nguyễn Phú Trọng veăng hôp ƀă tơpui hnê mơhno a rôh hôp. A rôh hôp, mâu kăn tơpui, ăm rơkong veăng tối ƀă hlá mơ-éa pơchuât tơbleăng mơgêi hnoăng cheăng đảng dêi Đảng ƀô̆ Kŏng an tơnêi têa hơnăm 2023 ƀă túa pơkâ hnoăng cheăng hơnăm 2024; Hlá mơéa mơnhên tối klêi kơ’nâi pêi pro Pơkâ kơxô̆ 12 dêi Khu xiâm pơkuâ tơdroăng kal kí ‘na mơdêk rơdêi mơjiâng khu Kŏng an kuăn pơlê krúa.

Rơdêi, ki păng ‘nâng, ƀĕng ƀeăn, rơkê, pêi pro châ tơdroăng ki rơhêng vâ, hnoăng cheăng tung chal nếo nôkố. Tơpui a Rôh hôp, kăn xiâm pơkuâ hnê ngăn Đảng Nguyễn Phú Trọng pơkâ thế Đảng ủy Kŏng an Tơnêi têa kal hbrâ rơnáu hriăn ngăn tiô túa ki kal, ai troăng hơlâ tro ƀă tí tăng ‘nâi plĕng ăm Đảng, Tơnêi têa, râ Đảng, khu kăn pơkuâ kong pơlê pơkâ mơ’no mâu troăng hơlâ luât ‘na mơnhông cheăng kâ rêh ối pơlê pơla, rak vế gak kring pơlê pơla cheăm bêng.