VOV4.Xơ Đăng - Klăng roh Têt Bun Pi May dêi Lếo ƀă Têt Chôl Chnam Thmay  dêi Kul, pôa Nguyễn Phú Trọng, Kăn xiâm pơkuâ hnê ngăn Đảng Kŏng san Việt Nam hiăng pơtroh kơthô ƀă kơpâu reăng rơkâu pôa Thoong-lun Xi-xu-lit, Kăn xiâm pơkuâ hnê ngăn Đảng kong têa Lếo, pôa Hun Sen, Kăn xiâm hnê ngăn kong têa Lếo, Kăn xiâm pơkuâ hnê ngăn kong têa Kul, Ngế pro xiâm hnê ngăn kong têa Kul.

Tơdroăng xiâm chêh tung kơthô rơkâu dêi pôa Nguyễn Phú Trọng tối: Đảng, Tơnêi têa ƀă kuăn pơlê Việt Nam phiu ro ‘nâng ‘na tơrŭm ki kơnâ kân, tơdroăng rŭm môi tuăn ki phá tơ-ê ƀă tơrŭm tŭm têk Việt Nam - Lếo rế hía rế mơnhông mơdêk, prôk trâu hơhngế, pơxúa păng ‘nâng ƀă cha tơƀrê tung mâu kơvâ cheăng. Klăng roh Têt tiô khôi vâi krâ nah dêi kuăn pơlê Kul, teăng mâ Đảng, Tơnêi têa, Kuăn pơlê Việt Nam, pôa Nguyễn Phú Trọng pơtroh rơkong troh pôa Hun Sen ƀă mâu kăn xiâm pơkuâ Đảng kong têa Kul, Tơnêi têa ƀă tâi tâng kuăn pơlê Kul mâu tơdroăng tuăn pâ nhŏng o ki hmâ xiâm ƀă mâu rơkong rơkâu hơnăm nếo ivá mo sêi têi ‘răng, hơniêp lĕm, tơniăn lĕm, mơnhông mơdêk.

A Sa Ly tơplôu ƀă tơbleăng