Tiô rơkong krếo thế dêi pôa Võ Văn Thưởng, Kăn xiâm hnê ngăn tơnêi têa, hâi kố, lơ 21/8, Kăn xiâm pơkuâ kong têa Kŏng hoa Kazakhstan Kassym – Komart Tokayev pơxiâm roh lăm pôu pêi cheăng păng ‘nâng Việt Nam. Kố cho roh apoăng Kăn xiâm pơkuâ kong têa Kazakhstan troh a Việt Nam drêng pôu râng hnoăng cheăng nếo, xuân cho roh lăm pôu pêi cheăng apoăng dêi môi Kăn xiâm pơkuâ kong têa Kazakhstan tung 12 hơnăm hiăng hluâ, cho kơnâ kal khât tung mơdêk tơrŭm cheăng nhŏng o Việt Nam – Kazakhstan, ki rơhêng vâ tối ‘na cheăng kâ, tê mơdró.

Tung roh lăm pôu pêi cheăng kố, péa pâ kô kĭ lối 10 tơdroăng vâ môi tuăn, tung mê thế tối troh cho Pơkâ pêi tơrŭm cheăng pêi cheăng vâ mơdêk mơnhông tơrŭm cheăng kâ – tê mơdró. Rơtế amê cho môi tuăn ‘na ôh tá êa ai mơ-éa mơnhên kuăn pơlê kong têa ăm kuăn pơlê péa tơnêi têa.

Kơxo lơ 20/8, Kăn xiâm pơkuâ kong têa Kŏng hoa Kazakhstan troh ‘măn hơvĭng reăng a tíu koh tơbâ mâu ngế khên tơnôu ƀă ‘măn hơvĭng reăng tơbâ a Tíu ‘măn poăng Pôa Hồ Chí Minh, Kăn xiâm hnê ngăn tơnêi têa pin hneăng apoăng. Klêi kơ’nâi leh tơdah păng ‘nâng a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa ƀă Kăn xiâm pơkuâ kong têa Kazakhstan hiăng trâm, tơpui tơno.