Tung pơla hdrối kố nah, tơdroăng tơrŭm cheăng pơla Việt Nam - Indonesia pơtối mơnhông rơdêi. Hneăng lăm pôu râ kăn xiâm kô cho rôh má péa Kăn xiâm pơkuâ kong têa Joko Widodo pôu râ kăn xiâm tơnêi têa Việt Nam (klêi rôh lăm pôu a khế 9/2018) ƀă cho rôh ki vâ péa pâ pơtối tơpui ‘na mâu tơdroăng mơnhông mơdêk, pro trâu rơdâ tơ’nôm tơdroăng tơrŭm cheăng, ing mê tơrŭm krá tâ nếo tơdroăng tơrŭm péa pâ ki hiăng hmâ vâ chê 70 hơnăm hdrối.

Kăn xiâm pơkuâ kong têa Indonesia Joko Widodo. (Um: AFP/TTXVN)

Nôkố péa tơnêi têa ối hên tơmeăm khoăng pơtối tăng pêi, tơrŭm cheăng krá rơdâ pơla Việt Nam ƀă Indonesia kô pro tơ’lêi hlâu  vâ péa tơnêi têa mơdêk tơrŭm pơla péa pâ, tơxâng ƀă tơmeăm khoăng ai hlâu, ki rơdêi dêi tơrêm tơnêi têa xuân môi tiah mơnhông mơdêk tơniăn lĕm tơrŭm cheăng pơla péa pâ tung pơla hdrối nah.