Tung tơdroăng rơkâu, pôa Daniel Ortega, kăn xiâm pơkuâ kong têa prế pôa Rosario Murillo, kăn xiâm phŏ pơkuâ kong têa Nicaragua tối nhên: “Teăng mâ Kuăn pơlê ƀă Chin phuh Vâ lĕm ƀă Tơrŭm Tơnêi têa Kŏng hòa Nicaragua, ngin pâ pơtroh troh pôa rơkong rơkâu khât drêng pôa châ pôk pro kăn xiâm hnê ngăn tơnêi têa Kŏng hòa xah hô̆i chuh ngiah Việt Nam”.

Tiô kăn xiâm ƀă kăn xiâm phŏ pơkuâ kong têa Nicaragua, tơdroăng kố môi hdroh nếo tối nhên chuh ngiah khên tơnôu, tơdroăng ki loi tơngah krá rơdêi tung tơdroăng kơnía git dêi Kăn xiâm hnê ngăn tơnêi têa Hồ Chí Minh ‘na hiâm mơno pâ nhuô̆m tơnêi têa, xuân môi tiah tơdroăng ki loi tung pơkuâ khên tơnôu tơdrăng dêi Đảng Kŏng san Việt Nam.