Péa Ngế pro xiâm phŏ hnê ngăn tơnêi têa hiăng tơpui tơno ƀă môi tuăn kĭ tơkêa Pơkâ pêi tâi tâng mơnhông tơrŭm cheăng Việt Nam – Rusi troh hơnăm 2030, xuân môi tiah troăng pêi pro tung mâu kơvâ kơmăi kơmok, pêi chiâk deăng, tê mơdró, khăm pơlât...; mâu pơkâ tơdjâk troh tơrŭm cheăng tơdjâk troh tơrŭm ‘na têa châu têa kơxăng ƀă mâu kơvâ on tơhrik tiô khôi vâi krâ nah; troăng pêi tung tơrŭm cheăng tiô khôi vâi krâ nah; troăng pêi tơrŭm cheăng tung kơvâ pêi chiâk deăng; pêi pro tơdroăng tơkêa bro mơjiâng hngêi trung phôh thong Rusi a Hà Nội.

Pôa Trần Hồng Hà pơkâ thế péa pâ pơtối rak troăng pêi tối dêi rơpó tơdroăng kal, tơpui ƀă dêi pó rĕng, teăm tơdrêng vâ tơleăng mâu tơdroăng pá tung pêi pro tơdroăng pêi, tơdroăng tơrŭm cheăng; hriăn plĕng troăng châ achê tiô troăng kĭ tơkêa mơ-éa môi tuăn tơrŭm cheăng Chin phuh ƀă mâu kơvâ cheăng ki kal, kơjo má môi.