Kơvâ cheăng Halal ai tâi tâng mâu kơvâ cheăng kơmăi kơmok pơxúa ‘na tơdroăng kal vâ dêi kuăn pơlê mơngế ki xúa cho mâu ki khôp Islam môi tiah kế kâ ƀă têa ôu, pơkeăng pơlât, phom kơlôn, tơmeăm hmân ếo xâo ƀă hên ki ê...).
Kố cho tơdroăng pêi pro apoăng ki kân lâp tơnêi têa, kân má môi ‘na Halal ƀă veăng ai hên mâu kăn dêi mâu Khu xiâm, kơvâ cheăng, kong pơlê, pơlê kong kân tơdrêng ƀă 600 ngế kăn veăng hôp tơpui tơno tơdrêng ƀă mơ’no tiô troăng hyôh internet. Tơbleăng a hneăng hôp, pôa Phạm Minh Chính, Ngế pro xiâm hnê ngăn tơnêi têa hiăng tối tơmeăm ki ai hlâu tơ’lêi dêi Việt Nam tung mơnhông kơvâ cheăng Halal a Việt Nam.
Ngế pro xiâm hnê ngăn tơnêi têa tối, tơrŭm cheăng kơvâ Halal cho môi tung mâu tơdroăng ki xiâm hlối nếo tung tơrŭm cheăng kâ ƀă kong têa ê. Ngế pro xiâm hnê ngăn tơnêi têa krếo thế mâu khu mơdró, malối mâu khu mơdró mâu ngế ki rơkê ‘na mơdró kâ kong têa ê ki troh ‘no liăn tơrŭm cheăng ƀă Việt Nam ing tuăn vâ “Pái ƀăng’’; rơtế hmâng ƀă hlê mâu tơdroăng xơpá pơloăng mơnúa; rơtế veăng tối mâ ngăn ƀă tơdroăng pêi pro tung tơdroăng mơnhông kơvâ cheăng Halal xuân môi tiah ‘na hê̆ sinh thái Halal; rơtế pêi, rơtế xúa, rơtế blêi trâng ƀă rơtế mơnhông.
Viết bình luận