Tối mơgêi a hneăng hôp, pôa Trinh Mạnh Cường - kăn phŏ Bơrô Hnê mơhno cheăng 389 Tơnêi têa tối, mâu khế mơ’nui hơnăm 2023, mơngế kal vâ pêi pro, rôe xúa tơmeăm tung rôh pơlê leh, Têt tâk hên, yă to kơnâ tâ dêi mâu tơmeăm tê pơla mâu kong têa tung kơpong, kơpong tung tơnêi têa ối kân tâ, mê chiâng ai tơdroăng ki ôh tá bê tơmeăm vâ tê, chiâng pro yă to kơnâ, tơ’lêi pro mâu khu mơdró kâ liu, mâu ki ôh tá tơdrăng tung mơdró kâ ƀă chiâng hlo tê tơmeăm ôh tá xê khât, ôh tá lĕm rế hên.

Pôa Cường pơkâ thế khu hnê mơhno 389 mâu kong pơlê kơpong Tây Nguyên tơkŭm pêi tơdroăng mơdât tê mơdró liu, ôh tá tơdrăng tung tê mơdró ƀă tê tơmeăm ôh tá xê khât drô troăng tơkăng kong ƀă drô troăng kân tung kong pơlê; tơkŭm hên cho mâu phon, pơkeăng xôh kơdê ôa hdrong, tơmeăm chiâ xo tung kơdâm tơnêi, mlŏi, têa châu, têa kơxăng; mơdêk plâ mơdât tê mơdró kâ liu, ôh tá tơdrăng tung tê mơdró ƀă mơdât tê tơmeăm ôh tá xê khât tung tơdroăng cheăng tê mơdró tơmeăm điê̆n tưh.