VOV4.Xơ Đăng - Kơxo lơ 30/5, Kăn lăm séa ngăn kơxô̆ 4 dêi khu hnê mơhno cheăng xiâm tơnêi têa ‘na hbrâ mơdât, kâ kơluâ, pro ôh tá tro ai rôh pêi cheăng ƀă Khu kăn kong pơlê Gia Lai. Tơbleăng ƀă Khu kăn séa ngăn, pôa Rah Lan Chung - Kăn phŏ hnê ngăn Đảng ủy kong pơlê, Ngế pơkuâ khu kăn cheăng dêi Đảng ủy kong pơlê Gia Lai ăm ‘nâi, ing hâi lơ 16/5/2023,  Khu kăn pơkuâ hnê ngăn Đảng  kong pơlê Gia Lai châ mơjiâng, tơdroăng cheăng pêi ‘na hbrâ mơdât kâ kơluâ, mơdât pro ôh tá tro a kong pơlê chôa châ mơnhông mơdêk vâ pêi châ tơ-brê  tơdroăng kal.

Khu hnê mơhno cheăng xiâm tơnêi têa ‘na hbrâ mơdât kâ kơluâ mơdât  pro ôh tá tro ‘na cheăng a kong pơlê Gia Lai 

Ing mê, pơxâu phak 2 ngế đảng viên, xo tơvêh lối 1,3 rơtal liăn ki prế kâ, nâp ăm hngêi rak liăn ngân tơnêi têa, tơkŭm séa ngăn tơdroăng kal lối 570 hdrôh ƀă mâu khu cheăng Đảng ƀă lối 1.500 hdrôh ngế đảng viên; séa ngăn vâ ‘nâi hôm hlo tơdroăng pro xôi ƀă 3 ngế đảng viên. A rôh pêi cheăng, Khu kăn séa ngăn kơxô̆ 4 Khu hnê mơhno cheăng xiâm tơnêi têa ‘na hbrâ mơdât kâ kơluâ, mơdât pro ôh tá tro tơbleăng tơdroăng pơkâ séa ngăn ƀă mâu tơdroăng dêi kong pơlê hiăng tối tơbleăng. Tiô tối hdrối tung pơla séa ngăn sap hâi lơ 6/6 troh lơ 9/6/2022.

Gương tơplôu ƀă tơbleăng