Khu hnê mơhno Tơnêi têa ‘na hnoăng cheăng hbrâ mơdât kâ kơluâ pêi cheăng ƀă kăn pơkuâ ngăn Đảng Bà Rịa – Vũng Tàu
Thứ sáu, 08:16, 27/10/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Hâi lơ 26/10, Khu kăn ki pêi dêi hnoăng cheăng Khu hnê mơhno cheăng Tơnêi têa ‘na hbrâ mơdât kâ kơluâ xua pôa Trần Cẩm Tú, Ngế cheăng tung Khu xiâm pơkuâ tơdroăng kal kí, Kăn pơkuâ Vi ƀan séa ngăn Tơnêi têa, kăn phŏ Khu hnê mơhno cheăng Tơnêi têa ‘na hbrâ mơdât kâ kơluâ, pro kăn pơkuâ khu kăn (khu kăn kơxô̆ 3) hiăng ai rôh pêi cheăng ƀă Khu pơkuâ ngăn Đảng Bà Rịa – Vũng Tàu vâ tơbleăng túa pơkâ séa ngăn hnoăng cheăng hơ’lêh troăng hơlâ dêi Đảng ‘na hbrâ mơdât kâ kơluâ mơjiâng luât dêi tơnêi têa.
A mâu tíu pêi cheăng ki châ séa ngăn, Khu kố hiăng pơkâ thế mâu kơ koan, tíu pêi cheăng tơpui tối leăng, pêi pro nhên mâu tơdroăng mơnhên, tối mâu kơxô̆ pơkâ, tơbleăng tơdroăng kal, hồ sơ,hlá mơ-éa ki ai tơdjâk troh vâ Khu kăn ki pêi dêi hnoăng cheăng kố hriăn ngăn, séa mơnhên vâ pêi pro nhên tơdroăng ki tơdjâk troh tơdroăng ki séa ngăn.
Tơpui a rôh pêi cheăng, pôa Trần Cẩm Tú, Ngế cheăng tung tíu xiâm kal kí, Kăn pơkuâ Vi ƀan séa ngăn Tơnêi têa, kăn phŏ Khu hnê mơhno Tơnêi têa ‘na hbrâ mơdât kâ kơluâ ăm ‘nâi, khu pơkuâ ngăn Đảng Bà Rịa – Vũng Tàu cho môi tung 6 to khu tơrŭm Đảng châ Khu hnê mơhno Tơnêi têa pơkâ túa séa ngăn.
Viết bình luận