VOV4.Xơ Đăng - Kơxê măng lơ 13/6, a Hngêi Kuô̆k hô̆i, khu kăn Đảng, Tơnêi têa trâm mâ mâu kăn Kuô̆k hô̆i  hneăng 15 cho khu cheăng khoa hok. Tơpui a rôh trâm mâ, pôa Vương Đình Huệ, Kăn xiâm hnê ngăn Kuô̆k hô̆i   tối nhên, tung pơla hdrối kô hiá nah, mâu khu cheăng khoa hok tơnêi têa pin cho mâu kăn Kuô̆k hô̆i hiăng ai hên hnoăng  veăng ‘no tung mơnhông mơdêk khoa hok ƀă kŏng nghê̆, cheăng kâ, rêh ối pơlê pơla, kring tơniăn, ‘na tơdroăng cheăng lêng dêi tơnêi têa.

Khu kăn Đảng, Tơnêi têa trâm mâ mâu kăn Kuô̆k hô̆i  hneăng 15 cho khu cheăng khoa hok

‘Na luât pơkâ, mâu khu cheăng khoa hok cho mâu kăn Kuô̆k hô̆i   hiăng rơtế ƀă Kuô̆k hô̆i   kơhnâ veăng ‘no hnoăng tung tơdroăng chôa pê klêi luât pơkâ, ai tiô pơkâ mơdêk xúa, mơnhông tơ-brê khoa hok kŏng nghê̆. Ƀă tơdroăng loi khât ‘na tuăn ngôa rơkê, ƀă hiâm mơno vâ pêi cheăng dêi khu cheăng khoa hok cho mâu kăn Kuô̆k hô̆i, Kăn xiâm hnê ngăn Kuô̆k hô̆i  tơngah tiah kố, mơhé pêi cheăng, klâi,  pro kăn lơ ôh , ƀă hnoăng cheăng dêi mâu kăn teăng mâ kuăn pơlê; ƀă tuăng ngôa rơkê, ivá pêi cheăng rơkê to kéa lâi dêi khu cheăng khoa hok; ƀă tuăn vâ  mơ-eăm, hkhŏm mơ-eăm tơkâ luâ xơpá dêi mơngế Việt Nam, kô pơtối ai hên hnoăng veăng ‘no tơxâng a tơdroăng mơnhông tơ-brê ‘na khoa hok ƀă  kơmăi kơmok tơnêi têa.

Gương tơplôu ƀă tơbleăng