Khu kăn hnê ngăn kong pơlê Dak Lak lăm rơkâu ivá mo sêi ƀă rơkâu mâu ƀok yah rơtế ƀă tâi tâng kuăn pơlê ki tiô khôp tung lâp kong pơlê tơdah hâi Tĭng kân Noel hơniâp lĕm. Pakĭng mê, púi vâ mâu ƀok xối, yah chĭng, mâu ngế cheăng ‘na tơdroăng loi tĭng tiô khôp pơtối hnê kuăn pơlê rak vế pêi pro tro tiô troăng rơhlâ dêi Đảng, Luât tơnêi têa, đi đo môi tuăn dêi rơpó ai hên hnoăng veăng ‘no  tung mơnhông mơdêk cheăng kâ, rêh ối dêi kong pơlê.

Ngế teăng mâ mâu hngêi khôp hiăng mơnê kơ mâu kăn kong pơlê ƀă mâu khu râ, kơvâ cheăng hiăng tơmâng, pro tơ’lêi hlâu ăm kuăn pơlê ki tiô khôp châ to khôp tơniăn tiô tuăn loi. Tung la ngiâ, kuăn pơlê kô pơtối pêi pro tro troăng rơhlâ, luât pơkâ dêi tơnêi têa, pơtối rak vế pêi pro tro tơdroăng rak luât ‘na châ ƀă rêh ối lĕm tro ‘na mơhúa, rơtế ƀă dêi rơpó môi tuăn tâi tâng hdroâng kuăn ngo, rơtế ƀă dêi rơpó mơnhông kong pơlê rế ton rế kro mơdrŏng lĕm kân, krip ro.