Tơdroăng mê tơ’mot lối 200 ngế vâi o teăng mâ ăm lối 467 rơpâu ngế vâi o dêi 17 tơring, pơlê kong krâm, pơlê kong kơdrâm tung kong pơlê. A tơdroăng tơpui tơno, hên hok tro hiăng veăng tối ‘na mâu tơdroăng tôu pâm tung hngêi trung, ‘na rak pro tơniăn tung măng ƀă ki rơ-iô ing tơdroăng hriăn pro mlŏi, kế pơtôu. Mâu vâi o ki ai tuăn hlo tơdroăng tro hêak pơloi, ‘nêk vâi o tung măng xuân môi tiah mâu tơdroăng tơdjâk ‘mêi troh ing tơdroăng xúa kế chiâng pơtôu.

Pakĭng mê, mâu tơdroăng pro pá, pơklât tung hriâm tâp, ôh tá ai tíu xah hêi pơtâp ivá ƀă tơdroăng vâ châ hnê ‘na tuăn ngôa tung hngêi trung xuân cho mâu tơdroăng châ mâu hok tro tơmâng khât.  Mâu tơdroăng hok tro Gia Lai tối a rôh tơpui tơno, hiăng châ mâu tíu pêi cheăng, kơvâ cheăng a kong pơlê tơmâng ƀă ai tiâ nhên. Pôa Rah Lan Chung, Kăn hnê ngăn Vi ƀan kong pơlê Gia Lai tối, kô pro mâu tơdroăng tơtro, tiô pơkâ rêm râm kơvâ cheăng, ai troăng hơlâ nhên tiô pơkâ púi vâ dêi hok tro.