Khu kăn Kuô̆k hô̆i kong pơlê Dak Lak tơkŭm po hneăng hôp trâm mâ kuăn pơlê a rôh hôp má 8
Thứ ba, 14:00, 10/12/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 9/12, Khu kăn Kuô̆k hô̆i kong pơlê Dak Lak tơkŭm po hneăng hôp trâm mâ kuăn pơlê klêi rôh hôp má 8. Hneăng hôp châ tơkŭm po tơkŭm hên a pơlê kong kơdrâm Ƀuôn Ma Thuột ƀă tơdjêp ƀă mâu tơring; Krông Păč, Krông Ƀuk, Čư̆ Mgar, Krông Năng, Ea Súp ƀă Ƀuôn Đôn.
A rôh hôp, kuăn pơlê Dak Lak hiăng pơkâ thế hên tơdroăng, pâ thế ki tơdjâk troh luât pơkâ mơnhông cheăng kâ rêh ối kong pơlê môi tiah kơlo kơjo gum pêi tơdroăng mơhno hnoăng mơnhông pêt kong krá tơniăn; xoăng liăn pêi pro tơdroăng mơjiâng thôn pơlê nếo.
Kuăn pơlê Dak Lak xuân pơkâ thế khu xiâm, kơvâ cheăng, kong pơlê tơmâng khât tâ nếo rĕng tơleăng mơnhên, ‘na tơnêi pro hngêi ối, tơnêi pêi kâ ƀă kơpong hdroâng kuăn ngo ƀă kong ngo; tơdroăng chêl thiăn liăn ăm mâu rơpŏng kuăn pơlê ki tro xo tơvêh tơnêi vâ mơjiâng Hngêi kơmăi on tơhrik Srêpok 3, tơdroăng kơdroh tah lôi hngêi xi kơchoh...
Viết bình luận