A pơlê kong xiâm Bắc Kinh, Khu kăn hiăng tơpui tơno ƀă Khu kăn pơkuâ hnê ngăn Đảng kong sản Sinuâ xua pôa Lý Hy, Ngế cheăng tung Khu xiâm Kal kí, Kăn hnê ngăn Vi ƀan Séa ngăn ‘na tơdroăng hôm pêi pro tro luât dêi Tíu xiâm Đảng kŏng sản Sinuâ  pro ngế xiâm pơkuâ khu kăn.

A rôh hôp, pôa Trần Cẩm Tú, Ngế cheăng tung Vi ƀan Séa ngăn Khu xiâm tối, Việt Nam đi đo nhoăm ƀă pêi ahdrối ‘na mơnhông tơrŭm cheăng ƀă Sinuâ; hbrâ vâ rơtế ƀă Đảng ƀă Tơnêi têa Sinuâ mơdêk Tơrŭm cheăng tung tŭm tơdroăng pơla Việt Nam - Sinuâ, pơxiâm mot tung mâu hơnăm mơnhông tơƀrê nếo ƀă loi nhoăm dêi rơpó tâ nếo tung droăng kal, tơrŭm krá tơniăn ‘na cheăng lêng, tơrŭm trâu tâ nếo, ‘na tơdroăng rêh ối pơlê pơla thế krá tơniăn tâ, tơrŭm a mâu hneăng hôp, mâu tơdroăng ôh tá môi tuăn châ mơdât ƀă tơleăng mơnhên klêi tâ ing tơdroăng hlê plĕng pơla péa pâ ƀă hlối tơtro tiô luât lâp plâi tơnêi.