VOV4.Xơ Đăng - Kơxo lơ 8/4, a hngêi Kuô̆k hô̆i, Khu kăn séa ngăn chuyên đề ‘’tơdroăng pêi pro ‘na luât ‘na tơdah kuăn pơlê troh ƀă tơleăng săm phoăng săm tơkêng ing hâi lơ 1/7/2016 troh hâi lơ 1/7/2021’’ xua pôa Trần Quang Phương, Kăn xiâm phŏ hnê ngăn Kuô̆k hô̆i pơkuâ djâ khu kăn ai rôh pêi cheăng ƀă Khu xiâm ngăn cheăng pêi mố đô̆i rong ƀă rêh ối pơlê pơla. Khu kăn séa ngăn pâ thế ‘nâi, tối nhên ƀă mâu ngế ki ôh tá tơxâng xo tơdroăng tŏng kum ăm mâu ngế ai hnoăng kăch măng; ai troăng rơhlâ tơleăng mơnhên săm phoăng tung tơdroăng mê vâ tơniăn ăm kuăn pơlê.

Tung tối tơbleăng, Khu xiâm ngăn cheăng pêi Mô đô̆i tro rong ƀă rêh ối pơlê pơla ăm ‘nâi, hiăng tơdah lối 14 rơpâu 300 hdroh ngế kuăn pơlê. Tơdroăng tơdah kuăn pơlê châ pêi pro tơrŭm ƀă tơdroăng chêh kơxô̆ ki tơdah kuăn pơlê ƀă xúa phần mềm rak ngăn tơdah kuăn pơlê, tơleăng săm phoăng săm tơkêng dêi Khu xiâm, ai tơdjêp rôh apoăng ƀă mâu tíu chêh ‘măn rak kơxô̆ dêi tơnêi têa ‘na săm phoăng săm tơkêng dêi Khu séa ngăn Chin phuh.

Mâu kăn tung Khu séa ngăn pâ thế mơnhên mâu hlá đơn chêh săm phoăng tung tơdroăng xua Khu xiâm ngăn cheăng pêi mố đô̆i rong ƀă pơlê pơla pơkuâ, tơkŭm a tơdroăng kum mâu ai hnoăng ƀă kăch măng ƀă [aoh hiêm pơlê pơla, châ vâ chê 90%.

Gương tơplôu [ă tơbleăng