VOV4.Xơ Đăng - Hâi lơ 06/6/2022, A tíu pêi cheăng xiâm Đảng, Khu kăn xiâm pơkuâ hnê ngăn Đảng tơnêi têa hneăng 13 hiăng hôp ôh tá xê tiah hmâ vâ séa ngăn, pơxâu tro tiô luât ƀă pôa Chu Ngọc Anh, ngế cheăng tung tíu xiâm Đảng, Kăn xiâm phŏ hnê ngăn Đảng ủy pơlê kong kân, kăn hnê ngăn khu kăn Đảng, Kăn hnê ngăn Vi ƀan pơlê kong kân Hà Nội, Kăn hnê ngăn Đảng hneăng hdrối, Ngế xiâm hnê ngăn Khu xiâm khoa hok kơmăi kơmok; ƀă pôa Nguyễn Thanh Long, Ngế cheăng tung Khu xiâm kal kí, Kăn hnê ngăn Đảng, Ngế xiâm ngăn ‘na pơkeăng pơlât.

Klêi séa ngăn pâ thế dêi khu xiâm kal kí, ngăn a tơdroăng kal, ki tơ-brê, kơlo ki rơ-iô, xiâm ki pro xôi; tiô pơkâ dêi Đảng ‘na hôu khĕn pơxâu phak, rak vế pêi pro tro tơdroăng pơkâ dêi Khu xiâm Đảng pơkâ tơbleăng tối mơ’no pôa Chu Ngọc Anh ƀă pôa Nguyễn Thanh Long lo ing Đảng. Mâu kơ koan khu râ pơkuâ cheăng thâ séa ngăn, pơxâu phâk liăn tro tiô pơkâ ƀă mâu ngế ki lâi ki ai xôi hiăng tro mơ’no lo ing Đảng.

Gương tơplôu ƀă tơbleăng