Ai hnoăng cheăng rak ngăn kring vế troăng tơkăng kong Tơnêi têa xŏn lối 292km achê ƀă kong têa Lếo ƀă kong têa Kul, mâu lêng mô đô̆i gak tơkăng kong  Kon Tum hbrâ tơbleăng pêi mâu tơdroăng cheăng vâ ‘nâi nhên mâu tơdroăng cheăng vâ kring gak tơniăn tíu tơkăng kong dêi kong pơlê, rak ngăn nhên kơtăng mâu ngế ƀă tơplâ ai pơxúa ƀă hên mâu ngế ki ai xôi, pro xôi luât.

Tung la ngiâ vâ pê klêi tơniăn tơdroăng mơjiâng ƀă kring vế hnoăng pơkuâ tơnêi têa, kring tơniăn tơnêi têa ƀă tơniăn kal kí tung mâu tơdroăng, Thiếu tướng Nguyễn Hoài Phương - Kăn phŏ pơkuâ ngăn Mô đô̆i gak tơkăng kong dêi  Việt Nam tối nhên, tâi tâng mâu kăn ƀô̆ mâu lêng Mố đô̆i gak tơkăng kong dêi kong pơlê Kon Tum mơdêk hnoăng cheăng rak ngăn Tơnêi têa ƀă tíu tê mơdró kăng kong tơnêi têa.

Mơdêk tơdroăng cheăng tơpui kâ kring gak tíu tơkăng kong ƀă mâu lêng kring vế tíu tơkăng kong kong têa Lếo, Kul mơjiâng tíu tơkăng kong  hơniâp lĕm, tơrŭm tơrôa ƀă mơnhông tơ ƀrê.