VOV4.Xơ Đăng - Kơxo lơ 6/4, Khu lo tŏng veăng kong pơlê Dak Lak tơkŭm tơdah xo liăn ƀă tơmeăm khoăng kơnâ lối 1,2 rơtal liăn xua mâu tíu pêi cheăng tŏng kum pêi mâu tơdroăng cheăng kâ rêh ối a kong pơlê. A rôh tơdah, mâu khu tŏng kum hiăng ăm liăn mơjiâng pro 4 to hngêi tuăn pâ ƀă tâi tâng kơxô̆ liăn 320 rơtuh liăn; ăm 1 rơpâu kơbinh pro mơ’no têa lĕm ƀă 500 to kơnoh iâ ngôi on ƀă tâi tâng kơxô̆ liăn 950 rơtuh liăn.

Teăng mâ mâu khu tŏng kum diâp hlá mơ-éá chêh mơhno ki tŏng kum dêi ing tơdroăng cheăng

Jâ Trần Thị Phương Thu, kăn phŏ hnê ngăn Khu lo tŏng veăng kong pơlê Dak Lak ăm ‘nâi, khu kô kô séa ngăn, rah xo mâu rơpŏng kơtiê xơpá tiô pơkâ dêi Tíu pêi cheăng vâ tŏng kum mơjiâng pro hngêi ối. {ă kơ binh pro mơhnăng lê̆m têa  ƀă kơnoh on ki iâ ngôi on, Khu lo tŏng veăng kong pơlê hiăng xing xoăng ăm mâu tíu pêi cheăng vâ kum mâu rơpŏng kơtiê ki ôh tá ai liăn xúa on gas, mâu tơring kơpong klong môi tiah Lăk, Ea Sup đi đo tro têa lân lu vâ kum kuăn pơlê ai tơmeăm ki pro mơhnăng lê̆m têa vâ ôu kâ rêm hâi tung rơnó kong mêi têa lân lu. Kố cho tơdroăng pêi pro ai pơxúa dêi mâu khu mơdró vâ rơtế tơchoâm ivá kum mâu ngế kơtiê xơpá, veăng mơjiâng thôn pơlê nếo, kơphô̆ rơkê plĕng a kong pơlê.

Gương tơplôu ƀă tơbleăng