Pôa Trần Hồng Hà, Ngế pro xiâm phŏ hnê ngăn troh veăng leh, tơdroăng mơhnhôk hriâm rế hlo tơƀrê tung tơdroăng mơhnhôk mơ-eăm hriâm rơkê ôh tá la lâi pơtê mơnhông mơdêk, hơnăm kơ’nâi hên tâ hơnăm hdrối. Khu cheăng ‘na mơhnhôk hriâm hiăng troh mâu cheăm, bêng, pơlê kân ƀă tôh kơphô̆ kuăn pơlê, thôn, kơtâu ƀă lối 26 rơtuh ngế.

Tơbleăng a rôh leh tơbâ,  pôa Trần Hồng Hà tối nhên: Vâ tơnêi têa rế rơdêi tơmeăm khoăng kuăn mơngế cho ki kal má môi. Ƀă tơdroăng hdró hơ’lêh kơxô̆, hơ’lêh tơ’lêi hlâu, kal mơdêk thế ‘nâi kơdôu mơ-eăm hriâm xêh, hriâm a rêm kuăn pơlê, malối cho tơdroăng hbrâ tơ’nôm vâ hlê plĕng ‘na khoa hok, kŏng ngê̆ thŏng tin. Hlối pơkâ thế Khu xiâm ngăn hnê hriâm ƀă hnê mơjiâng tuăn ngôa rơkê tơrŭm ƀă Khu mơhnhôk hriâm rĕng nhên vâ pơ’lêh ‘mot tung tuăn ngôa rêm ngế troh tơrêm kơ koan, tíu pêi cheăng, rơpŏng hngêi.