VOV4.Xơ Đăng - Hlo hrá pêi pro tung tơdroăng chêl thiăn ăm mâu rơpŏng kuăn pơlê ki tro tơdjâk a kơpong long têa dêi hngêi kơmăi on tơhrik Đăk Psi 5, Khu ngăn tê mơdró kong pơlê Kon Tum hiăng pơkâ thế khu pơkuâ tơdroăng tơkêa bro mê cho Kŏng ti veăng tơlo liăn Đức Thành Gia Lai thế rĕng ăm mâu kuăn pơlê liăn chêl thiăn xua ki tro tơdjâk mê hdrối hâi lơ 30/06/2022, tâng ôh Khu xiâm kô tí tối ăm Vi ƀan kong pơlê pơkâ thế Tíu xiâm ngăn on tơhrik kơpong tơdế tơnêi têa pơtê ăm hngêi kơmăi kơtâu.

Môi kơdrum kơphế tro tơdjâk xua hngêi kơmăi on tơhrik Đăk Psi

Ki xiâm khoh chiâng hrá tung tơdroăng chêl thiăn, kơjo kum mâu rơpŏng kuăn pơlê ki tro tơdjâk kơpong long têa dêi hngêi kơmăi on tơhrik Đăk Psi 5 tiô Khu xiâm ngăn tê mơdró kong pơlê Kon Tum cho xua: Kŏng ti veăng tơlo liăn Đức Thành Gia Lai ối lŭp xua kong prâi pro ôh tá tơniăn ‘na tơdroăng mơ’no on tơhrik dêi Hngêi kơmăi on tơhrik râ kơpêng ôh tá pêi pro tro hnoăng cheăng tung tơdroăng pơkuâ, rak ngăn, tơrŭm cheăng... séa ngăn, tí tăng ngăn, riân vâ  ’nâi ki tro lŭp vâ chêl thiăn, kơjo kum ăm mâu rơpŏng kuăn pơlê tiô pơkâ tơniăn tung pêi cheăng kâ chiâng ai tơdroăng pâ thế hên hdroh ƀă ton troh nôkố.

Gương tơplôu ƀă tơbleăng