Tiô pôa Phạm Đăng Khoa, Kăn pơkuâ Khu pơkuâ hnê hriâm ƀă hnê mơjiâng tuăn ngôa rơkê kong pơlê Dak Lak, klêi kơ’nâi 10 hơnăm pêi pro, troăng rah xo hok tro mot lâm 10 hiăng hlo hên tơdroăng ki tá hâi tro ƀă ôh tá tơtro ƀă kong pơlê. Kơxô̆ hok tro tâk tiô rêm hơnăm, pro tơmeăm khoăng, tơmeăm hnê hriâm ƀă khu thái cô ôh tá tơxâng teăm tơdrêng.

Rơtế ƀă mê, pêi pro tơdroăng tơkêa dêi Chin phuh ‘na “Hnê hriâm tăng cheăng pêi ƀă mơhno hok tro tung hriâm phôh thong hneăng hơnăm 2018 – 2025’’ kô ai dâng 70% hok tro mơgêi hngêi trung phôh thong râ má péa pơtối to hngêi trung phôh thong râ má 3, kơxô̆ ki ê iâ má môi 30% hok tro pơtối hriâm a mâu tíu hnê hriâm cheăng pêi hnê mơjiâng râ trung câ̆p, sơ câ̆p.

Laga a Dak Lak, nôkố kơxô̆ kố xuân ối hên (dâng 90% hok tro mơgêi râ má 2 vâ to râ má 3). Xua mê, kong pơlê kal tơmiât troh troăng tơ’noăng vâ châ mot hriâm râ má 3 dêi hngêi trung tơnêi têa teăng rah xo hok ƀă môi tiah nôkố.