VOV4.Xơ Đăng - Kơxo lơ 11/7, a pơlê kong kân Đà Nẵng, Ƀơrô cheăng Tíu xiâm Đảng tơkŭm po leh tơdah xo Inâi Ngoh khên tơnôu khu lêng kring vế tơniăn kuăn pơlê Khu Tài mậu Khu ủy Khu 5. A rôh leh, pôa Võ Văn Thưởng, kăn pơkuâ hnê ngăn Đảng teăng mâ kăn pơkuâ Đảng, Tơnêi têa diâp pơkâ dêi kăn xiâm hnê ngăn tơnêi têa diâp inâi Ngoh khên tơnôu khu lêng kring vế tơniăn kuăn pơlê diâp ăm Tài mậu Khu ủy Khu 5 hiăng kơhnâ rơkê tung rôh tơplâ râ Mih tŏng xo tơnêi têa.

Pôa Võ Văn Thưởng, kăn pơkuâ ngăn Đảng diâp Inâi Ngoh khên tơnôu Khu lêng kring vế tơniăn kuăn pơlê diâp ăm Tài mậu Khu ủy Khu 5

Tơpui a rôh leh, pôa Võ Văn Thưởng, kăn pơkuâ ngăn Đảng tối nhên, Khu 5 cho tíu tơplâ tung rôh tơplâ xâ Mih tŏng xo tơnêi têa. Kăn ƀô̆, mâu ngế cheăng dêi khu Tài mậu Khu ủy Khu 5 khên tơnôu, kơhnâ tơkâ luâ mâu tơdroăng ki xơpá, hlâ rêh, rak vế tơdroăng pế pơchên kế kâ ăm rôh tơplâ xâ Mih tŏng xo tơnêi a tíu tơplâ Khu 5, pơtroh, tŏng kum tơdroăng tơplâ inâi Hồ Chí Minh tơleăng lĕm peăng hdroh.

Katarina Nga tơplôu ƀă tơbleăng