VOV4.Xơ Đăng - Kơxo lơ 15/6, pôa Võ Văn Thưởng, kăn pơkuâ hnê ngăn Đảng ai rôh pêi cheăng ƀă kăn pơkuâ xiâm Học viện Chính trị quốc gia Hồ Chí Minh. A rôh pêi cheăng, Học viện Chính trị Quốc gia Hồ Chí Minh pơkâ thế Khu pơkuâ ngăn Tíu xiâm Đảng séa ngăn kĭ pơkâ tơdroăng tơkêa hnê lĭ luân chính trị râ đăi hok kơvâ hnê lĭ luân chính trị vâ pêi pro châ tơdroăng ki vâ hnê ton xŏn mâu kăn ƀô̆, khu ngế ki hnê dêi khu pơkuâ Học viện, mâu hngêi trung chính trị kong pơlê, pơlê kong kân. Pơkâ thế sinh viên hriâm ‘na kơvâ cheăng hnê lĭ luân chính trị châ kâ liăn tŏng kum môi tiah mâu ngế ki hriâm mâu hngêi trung kăn lêng, kŏng an.

Pôa Võ Văn Thưởng pơkâ thế pơtối pơkâ Học viện Chính trị Quốc gia Hồ Chí Minh chiâng tíu xiâm hriăn ngăn lĭ luân tơnêi têa. Tung mê pơchân tơdroăng ki tơkŭm hnê ăm mâu kăn ƀô̆ ối tung Khu xiâm pơkuâ tơdroăng kal kí, Khu pơkuâ ngăn Đảng rak ngăn. Mơjiâng, mơnhông hngêi trung Đảng tŭm tâi tâng, tơxâng ƀă mâu hngêi trung Đảng krâ inâi Hồ Chí Minh khên tơnôu ƀă cho tíu xiâm hnê hriăn ngăn kân má môi dêi Đảng.

Katarina Nga tơplôu ƀă tơbleăng