VOV4.Xơ Đăng - Hbrâ rơnáu mâu tơdroăng cheăng ăm mâu phô̆m vâ xông kân tung rơnó pơtê hriâm hơnăm kố, khu pơkuâ ngăn Đoân Droh rơtăm Dak Lak tơbleăng hên troăng hơlâ mơdêk ivá ƀă tơdroăng cheăng ăm mâu kăn ƀô̆ đoân, malối cho a râ cheăm, tơring. Ki nhên, Khu pơkuâ ngăn Đoân Droh rơtăm Dak Lak hiăng tơkŭm po hnê hriâm hnoăng cheăng ăm kăn ƀô̆ đoân, hô̆i a thôn, pơlê, tôh kơphô̆ tung kong pơlê.

Hnê hriâm tơdroăng cheăng tiah hmâ rêm hâi ăm mâu kăn ƀô̆ đoân

Ƀă hên tơdroăng ‘na mâu tơdroăng ki tiah hmâ rêm hâi: tơdroăng cheăng rơkê tung tơdroăng cheăng pú hên; hnê tối ‘na tơdroăng ki pêi cheăng Đoân, hô̆i ing mâu trang măng pơlê pơla; tối a ngiâ kuăn pơlê ƀă mâu tơdroăng cheăng ki kal dêi ngế ki pơkuâ ngăn Đoân. Rơtế amê, khu pơkuâ ngăn Đoân Droh rơtăm Dak Lak dế pơtối mơhnhôk pơlê pơla hơ’lêh vâ mơjiâng mâu tíu ki xah hêi ăm vâi hdrêng, po mâu tơdroăng ki hơniâp ro a rơnó pơtê hriâm ăm mâu vâi o hdrêng.

Tơkŭm po mâu lâm rơbot hriâm tơdroăng ki pêi pro a rơnó pơtê hriâm troh ƀă mâu vâi o hok tro a mâu tơring, cheăm ki xơpá, kơpong hngế hngo.

Katarina Nga tơplôu ƀă tơbleăng