Trung tươ̆ng Nguyễn Doãn Anh, Ngế cheăng tung tíu xiâm Đảng, kăn phŏ pơkuâ ngăn tí tăng ‘nâi plĕng ăm Khu lêng kuăn pơlê Việt Nam hnê mơhno tơdrêng rôh hriâm tâp lêng a Dak Lak. Tơdroăng ki kal tung rôh hriâm kố cho pơkâ tơleăng mâu tơdroăng pro mơnúa ôh tá xê khât khu hên kơdrâm mơngế tơkŭm ối ôh tá tro luât, tơtrâ mâu ngế ki tríu tơkêk, hrik xo ƀom min, hrik tah mâu trếo ‘mêi hoă hok, tŏng xo ƀă rup mâu khu ‘mêi, tŏng xo mâu ngế ki tro rup a Kơno Cát Tiên Sa, Tơraih tơƀai Đà Nẵng ƀă Um tơvi kong pơlê Dak Lak.

Tơdroăng ki pro mơnúa a kong pơlê Dak Lak cho tơdroăng dêi khu ‘mêi ‘mot plâ, rup tâi tâng kăn ƀô̆, mâu ngế tung Um tơvi kong pơlê. Vâi pơklât thế ngế ki tơpui pơchuât tơbleăng kô rôih hnâp khu kăn pơkuâ, mơjiâng tơnêi têa ki vâi khê̆n xêh. Klêi kơ’nâi mê, Ƀinh chủng Đặc công ƀă khu lêng a Dak Lak tơbleăng mâu troăng hơlâ hnoăng cheăng kơdê hlâ khu lêng ‘mêi ƀă tŏng xo mâu ngế ki tro vâi rup.