Khu pơtâng tối tơdroăng kal Tơnêi têa pêi cheăng ƀă kong pơlê Cà Mau
Thứ ba, 14:01, 24/10/2023
Tơplôu: A Sa Ly/VOV
Tơplôu: A Sa Ly/VOV
Hâi lơ 23/10, pôa Phan Xuân Thuỷ, Kăn xiâm phŏ pơtâng tối tơdroăng kal tơnêi têa pơkuâ djâ khu râ kăn pêi cheăng ƀă Khu râ kăn pơkuâ hnê ngăn cheăng Đảng kong pơlê Cà Mau ‘na tơdroăng châ tơƀrê pơkuâ, hnê mơhno pêi pro, pêi pro mâu tơdroăng pơtâng tối.
Xông tơpui a hneăng hôp, pôa Phan Xuân Thủy pơkâ thế Khu râ kăn pơkuâ hnê ngăn cheăng Đảng kong pơlê Cà Mau pơtối pơkuâ, hnê mơhno pêi pro Pơkâ kơxô̆ 01 dêi Khu xiâm kal kí; Pêi pro châ tơƀrê Tơdroăng pơkâ pêi, tơdroăng pêi Pơkâ hneăng hôp kăn teăng mâ lâp tơnêi têa roh má XIII dêi Đảng ƀă Pơkâ Đảng ƀô̆ kong pơlê Cà Mau roh má XVI, ki má lối cho mâu tơdroăng châ tơƀrê hiăng châ vâ mơnhông tơtêk.
Pơtối pêi pro châ tơƀrê pơkâ dêi Khu pơkuâ hnê ngăn cheăng Đảng “Pơkâ pêi tơrŭm pơla khu pơtâng tối tơdroăng kal mâu râ ƀă kơ koan tơnêi têa rơtế tung tơdroăng pêi pro luât, pêi pro pơkâ mơnhông cheăng kâ – rêh ối pơlê pơla, tơleăng mâu tơdroăng ki kuăn pơlê tô kuăn, kuăn pơlê rơhêng vâ ‘nâi plĕng’’.
Viết bình luận