Pêi mâu tơdroăng cheăng tŏng kum drêng troh rơnó hơngui Qúy Mão 2023, rơxông nếo Dak Lak tơbleăng hên túa pêi cheăng ki nếo, troh hên khu ngế ki pơrá phá a mâu kong pơlê. Tung mê, “Siêu thị mini Tết 0 liăn” cho tơdroăng pêi pro ăm mâu rơpŏng kơtiê xơpá, mâu ngế chó chêng tơvê kŏng, plôm mâ ƀă mâu ngế kơtiê. Rêm phĭu rôe tơmeăm kơnâ 500 rơpâu liăn, ngế ki xo phĭu kô rah xo oh tá ăm liĕn rôe tơmeăm ki tê a siêu thĭ mê cho: xik, têa tôu ro, phái, kơtâ í, xup kơxŏng khăng, ƀôt ngot, kơƀăn kĕo... hơnăm kố, tơdroăng ‘măn ăm 700 phĭu rôe tơmeăm ăm mâu ngế kơtiê a pơlê kong kơdrâm Ƀuôn Ma Thuột ƀă pơlê krâm Buôn Hồ.

Rôh kố mâu khu tơrŭm cheăng Đoân tung kong pơlê xuân ai mâu tơdroăng pêi pro troh mơngế kơtiê, mê cho: khăm pơlât xoăng pơkeăng tê kơtê, hbru tơmeăm, pro hngêi tuăn pâ, hbru rơxế mái, ăm hnoăng liăn hriâm.