Kong pơlê Dak Lak ai dâng 2 rơtuh kuăn pơlê, tung mê vâi kơdrâi châ 52%. Kơxô̆ kăn ƀô̆ vâi kơdrâi, kŏng chưk, viên chưk cho vâ chê 45 rơpâu ngế, châ 58% kơxô̆ mơngế tung lâp kong pơlê. Ƀă tơdroăng tơmâng, hnê mơhno ing râ kơpêng, tơdroăng cheăng kăn ƀô̆ vâi kơdrâi châ tơmâng tŏng gum, kum mơdêk tơdâng tơ’mô tung kơvâ kal kí. Rơtế ƀă tơpui tơno, pêi inhên mâu tơdroăng xiâm tơdjâk troh troăng hơlâ, tơdroăng pêi cheăng kăn ƀô̆ vâi kơdrâi, mâu kăn teăng mâ xuân tối mâu troăng pêi ƀă pơkâ vâ pơtối pêi lĕm tro tâ tơdroăng cheăng kăn ƀô̆.

Tiô jâ Nguyễn Thị Minh Hương, Kăn phŏ Hnê ngăn Khu xiâm Khu pơkuâ vâi kơdrâi Việt Nam, kăn ƀô̆ kơdrâi tối tơdjuôm pơrá kal tơdroăng tơmâng tŏng gum, ƀă mâu troăng hơlâ, tơdroăng pêi ki tơtro, vâ vâi pôu râng lĕm tro hnoăng pêi cheăng, rak ngăn rơpŏng, rế kô chiâng vâ hriâm tâp mơdêk tuăn ngôa rơkê.