VOV4.Xơ Đăng - Kơxo lơ 2/6, Khu râ kăn pêi cheăng kơxô̆ 3 dêi Khu xiâm hnê mơhno hbrâ mơdât kâ kơhveăm liăn ngân, tơdroăng ki ôh tá lĕm tro pêi cheăng ƀă Khu pơkuâ cheăng Đảng kong pơlê Quảng Ninh vâ pêi pro pơkâ dêi Khu hnê mơhno. Tơdroăng xiâm séa ngăn tơkŭm tung tơdroăng pơkuâ, hnê mơhno, tơkŭm pêi pro tơdroăng châ hlo, pơcháu, tơdah, tơleăng săm tối săm tơkêng, tơbleăng ‘na mơngế xôi, pâ thế săm tối mâu roh ai tơdroăng pro xôi ‘na kâ kơhveăm liăn ngân, cheăng kâ ƀă tơdroăng séa mơnhên tơmeăm tung tơleăng mâu roh tơdroăng, roh tơdroăng kâ kơhveăm liăn ngân, cheăng kâ, tơdroăng ki ôh tá lĕm tro.

Khu xiâm hnê mơhno hbrâ mơdât kâ kơhveăm liăn ngân, tơdroăng ki ôh tá lĕm tro pêi pro Pơkâ séa ngăn a kong pơlê Quảng Ninh

Ing séa ngăn vâ mơnhên tơdroăng châ tơƀrê, mâu tơdroăng ki u ối, tơdroăng ki tá tro, xiâm kối tung pơkuâ, hnê mơhno ƀă tơkŭm pêi pro dêi mâu râ kăn pơkuâ cheăng Đảng, khu pơkuâ cheăng Đảng ƀă kơ koan cheăng. Ing mê, châ hlo, pâ thế tơleăng mâu roh ai tơdroăng pro xôi ‘na kâ kơhveăm liăn ngân, tơdroăng ki ôh tá lĕm tro.