VOV4.Xơ Đăng - Pôa Nguyễn Hữu Độ, ngế xiâm phŏ ngăn hnê hriâm ƀă hnê mơjiâng tuăn ngoâ rơkê nếo lăm séa ngăn hnoăng cheăng châm tơ’noăng râ má pái phôh thong a pơlê kong kân Đà Nẵng. Nôkố, kăn ƀô̆ châm tơ’noăng kơvâ ngăn hnê hriâm ƀă hnê mơjiâng tuăn ngoâ rơkê pơlê kong kân Đà Nẵng dế pêi pro châ tơ’noăng râ má pái phôh thong hơnăm 2022.

Hnoăng cheăng châm ƀai tơ’noăng dế pêi pro tro tiô pơkâ, rak vế tơniăn tung châm tơ’noăng vâ teăm ăm tơdroăng ki séa mơnhên plah tơ’noăng râ má pái phôh thong hrá má môi cho a hâi lơ 26/7/2022. Pôa Nguyễn Hữu Độ, Ngế xiâm phŏ ngăn hnê hriâm ƀă hnê mơjiâng tuăn ngoâ rơkê ppchân, hnoăng cheăng châm tro, tơdrăng, tơdâng tơ’mô. Pakĭng mê, athế mơdêk châm séa kiêm tra, tôh kiêm tra athế mơdêk tâ nếo ‘na hnoăng cheăng châ̆m kiêm tra tơ’noăng.

Katarina Nga tơplôu ƀă tơbleăng