VOV4.Xơ Đăng - Khu xiâm ngăn kong pơlê ƀă hnoăng cheăng mâu kăn ƀô̆ nếo pơkâ thế ‘mot tơrŭm hên tíu pêi cheăng, tíu pêi cheăng dêi Khu xiâm ngăn pơkeăng ƀă khăm pơlât, Khu xiâm ngăn chiâk deăng ƀă Mơnhông thôn pơlê ‘na tơdroăng ki séa ngăn pơkâ tơkŭm po mê cho tâi tâng 27 tíu cheăng xiâm, tung mê ai 21 khu tơrŭm chêh pro hlá mơ-éa ƀă 6 tiú pêi cheăng tơdroăng cheăng kong lâp. Ƀă Khu xiâm ngăn pơkeăng ƀă khăm pơlât, rak tiah hmâ 12 khu tơrŭm ai tơdjâk rak ngăn tơnêi têa; tơrŭm môi, tôh tơrŭm 8 tơdroăng cheăng, tíu.

Hdrối mê, apoăng khế 3 hơnăm kố, Ngế pro xiâm hnê ngăn Chin phuh pơkâ thế mâu khu xiâm, kơvâ cheăng, kong pơlê chêh pro hlá mơ-éa pơkâ ai tơdjâk, hnoăng cheăng, hnoăng pơkuâ ƀă tơdroăng tơrŭm dêi kơ koan tơná pơtroh ăm Khu xiâm ngăn kong pơlê, pơlê kong kân ƀă hnoăng cheăng mâu kăn ƀô̆, Khu xiâm mơjiâng pro luât séa ngăn pơkâ, pơtroh ăm Chin phuh séa ngăn, pơkâ tung khế 3/2022.

Laga, tiô pôa Nguyễn Duy Thăng, tơdroăng ki xing xoăng tơrŭm kơ koan cheăng tơnêi têa, mâu ngế cheăng cho tơdroăng ki pá, kal ai hâi khế séa ngăn nhên mê kô pơtroh ăm Chin phuh séa ngăn tung la ngiâ.

Katarina Nga tơplôu ƀă tơbleăng