VOV4.Xơ Đăng - Khu xiâm ngăn pơkeăng pơlât veăng hnê tối troăng rơhlâ tơkŭm po tơ’noăng mơgêi hriâm râ má pái phôh thong hơnăm 2022 tung mê tối ‘na mâu hok tro ki tro tơdjâk xua pơreăng COVID-19. Tung mê, ƀă hok tro F0, tâng séa ngăn, pơlât a hngêi pơkeăng tung pơla po tơ’noăng, kô mơnhên mơgêi tơ’noăng râ má pái. Tâng hok tro ki lâi púi vâ tơ’noăng mơgêi râ má pái phôh thong kô châ tơkŭm tơ̆’noăng a rôh ki ê.

Hok tro F0 dế pơlât, klâ ối krê a hngêi tung pơla po tơ’noăng xuân châ pơkâ hiăng mơgêi hriâm râ má pái. Tâng hok tro ki lâi ai púi vâ tơ’noăng, thế ai hlá đơn pâ tơ’noăng dêi ngế hok trp ƀă ai kĭ inâi dêi nôu pâ hok tro lơ ngế ki păn roăng hok tro, tung mê ai chêh hok tro tơhrâ pêi pro tro mâu tơdroăng hbrâ mơdât COVID-19.

Mê cho tơkŭm po tơ’noăng mơgêi râ má pái krê ăm mâu hok tro F0 ki dế pơlât, klâ ối krê a hngêi tâng ai púi vâ tơ’noăng. Hok tro ki ối a chê F1 châ veăng tơ’noăng ƀă mâu hok tro ki ôh tá tơdjâk pơreăng COVID-19. Hok trok ki châi tamo dế séa ngăn (nhôm pơreăng ki gá tro F0) kô châ veăng  tơ’noăng. Hô̆i đong ngăn tơ’noăng tơkŭm po ăm hok tro ki châi tamo nhôm tâ pơreăng tơ’noăng a mâu veăng tơ’noăng krê ai tiô púi vâ ‘na hbrâ mơdât pơreăng COVID-19.

Gương tơplôu ƀă tơbleăng