VOV4.Xơ Đăng - lơ (5/5), Khu xiâm ngăn ‘na tê mơdró tơrŭm ƀă mâu khu mơdró Việt Nam a ASEAN tơkŭm po hnê tối ‘na tơdroăng tê phái ăm kong têa tung ASEAN. Tiô tơdroăng tơkŭm po tơdrêng a An Giang tơrŭm mơ’no tiô troăng hyôh Internet tiô tơdroăng Zoom ƀă ki hlo hên tung Fanpage Facebook Khu xiâm ngăn  mơhnhôk tê mơdró, Khu xiâm ngăn ‘na mơdró. A rôh hnê tối kô mơdoh hên chôu vâ hnê tơdrêng mâu tơdroăng ki nhên vâ mâu khu mơdró tơdjâk troh mơdêk tê phái ăm kong têa kơpong ASEAN.

Pakĭng Philippines, phái Việt nam ối châ tê kĕn kong têa ki kal tung ASEAN môi tiah Malaysia, Singapore, Indonesia, Brunei. Mâu phái tê ăm kong têa ê dêi phái Việt Nam dế pơtối tâk hên mâu túa phái xú hŏm, phái hmâ kâ, phái Japonica, phái rơbông ki lê̆m ƀă yă tê ƀă ki pơxúa gá rế hên tâ. Ki xiâm tê phái ăm kong têa ê dêi lâp tơnêi têa xuân hiăng châ ’mâi hơ’lêh troh hơnăm 2030, tiô tối hdrối ối dâng 4 rơtuh tâ̆n.

Gương tơplôu ƀă tơbleăng