Tơpui a rôh hôp, pôa Tô Lâm, Kăn xiâm pơkuâ hnê ngăn Đảng vêh tơbâ mâu tơdroăng ki tơƀrê kal tung tâi tâng mâu kơvâ cheăng dêi Tơnêi têa tung hơnăm 2024, tối nhên tung mâu tơdroăng ki tơƀrê mê ai tơdroăng veăng gum kân dêi mâu kăn pơkuâ hneăng hdrối ƀă mâu ngế ki rơkê ‘na hlá mơ-éa, khu ki rơkê plĕng tung tơnêi têa ƀă mơngế Việt Nam a kong têa ê.

‘Na hnoăng cheăng vâ pêi tung la ngiâ, tiô pôa Tô Lâm, Kăn xiâm pơkuâ hnê ngăn cheăng Đảng vâ pơtối pôu râng hnoăng pơkuâ ăm tơnêi têa krá rơdêi mot tung chal nếo, tung la ngiâ ah, pin kal pơtối pơhlêh nếo rơdêi túa pơkuâ, mơdêk ivá pơkuâ, hnoăng pơkuâ dêi Đảng. Tối ‘na hnoăng cheăng ki kal cho mơnhông cheăng kâ rêh ối pơlê pơla, Kăn xiâm pơkuâ hnê ngăn cheăng Đảng tối tiah kố, tá khu pơkuâ tơdroăng kal kí xuân tơkŭm pêi pro tơƀrê túa mơdêk, mơjiâng ivá khoa hok, kong ngê̆, pơhlêh kơxô̆.