Kố cho tơdroăng pêi ki nhên dêi rơxông hơnăm ối nếo Việt Nam vâ mơhno hnoăng dêi môi rơxông ối nếo ƀă hnoăng pơkuâ krih tơviah dêi Tơnêi têa. Leh mơhnhôk châ tơdjêp ƀă 10 tíu mơ’no tơdrêng tung um tiô troăng hyôh măng râ Tơnêi têa a 10 kong pơlê, pơlê kong kơdrâm tung lâp tơnêi têa.

A leh mơhnhôk Roh mơhnhôk “Hâk tơngăm môi kơpong kân rơdâ tơnêi têa’’, 1.300 đoân viên, droh rơtăm, hok tro dêi pơlê kong kân Đà Nẵng hiăng mơđah tơbleăng pơtăng pro um Lơgât Việt Nam. Roh mơhnhôk ‘’Hâi tơngăm môi kơpong kân rơdâ tơnêi têa’’ pêi pro vâ thăm hnê hriâm hiâm mơno pâ nhuô̆m tơnêi têa, hlê plĕng ‘na hnoăng pơkuâ tơnêi têa, hdroâng mơngế; pơtâng tối, tơkŭm po ăm đoân viên, droh rơtăm phô̆m xông kân kơtúa lơgât Việt Nam a tíu hriâm tâp, pêi cheăng.

Roh kố, Khu xiâm pơkuâ Đoân Droh rơtăm Kŏng san Hồ Chí Minh diâp 20 lơgât khung (dâng A1) diâp ăm teăng mâ kuăn pơlê tơnăng ká xi xŏng, khu mô đô̆i gâk tơkăng kong, droh rơtăm, kŏng nhân, thái cô, hok tro ƀă hía hé ƀă 50 rơpâu to lơ gât (dâng A0) diâp ăm mâu Khu pơkuâ Đoân Droh rơtăm kong pơlê, pơlê kong kơdrâm, mâu khu Đoân Droh rơtăm ƀă diâp 5 rơpâu ăm Khu pơkuâ Đoân Droh rơtăm Pơlê kong kân Đà Nẵng.