VOV4.Xơ Đăng - Tung rôh lăm pôu ƀă pêi cheăng a kong têa Lếo sap ing hai lơ 30/5 – 01/6, kơxê lơ 30/5, jâ Trương Thị Mai, Ngế cheăng tung khu xiâm pơkuâ tơdroăng kal kí, Kăn pơkuâ ngăn Khu xiâm Đảng pơkuâ djâ khu kăn Tơrŭm Tíu xiâm Đảng troh pôu ƀă pêi cheăng a tíu cheăng kăn teăng mâ Việt Nam a Lếo. A rôh trâm mâ, jâ Trương Thị Mai tối nhên, kăn pơkuâ péa tơnêi têa Việt Nam ƀă Lếo đi đo tơmâng ngăn, tơbêng thăm tơrŭm cheăng ki tơviah pơla Việt Nam ƀă Lếo.

Khu xiâm pơkuâ hnê ngăn Đảng pôu pêi cheăng ƀă kăn teăng mâ Việt Nam a Lếo

Teăng mâ kăn ƀô̆, mâu ngế cheăng tung tíu cheăng kăn teăng mâ ƀă teăng mâ mâu kơ koan Việt Nam, pôa Nguyễn Hùng tối nhên kô pêi pro tro hnoăng cheăng châ kăn xiâm pơkuâ hnê ngăn Đảng, Tơnêi têa pơcháu ăm; rơtế ƀă khu pú hên cho kăn ƀô̆, mâu ngế cheăng tung tíu cheăng kăn teăng mâ ƀă mâu kơ koan pakĭng kăn teăng mâ pêi pro tro hnoăng cheăng tơpui kâ, veăng kum tơbêng ƀă mơdêk tơrŭm cheăng Việt Nam ƀă Lếo rế hía rế mơnhông, ai pơxúa, thăm mơdêk hnoăng dêi kuăn pơlê péa tơnêi têa Việt Nam ƀă Lếo.

Katarina Nga tơplôu ƀă tơbleăng