Tung hneăng má 3, khu kŏng an hiăng séa ngăn lối 10 rơpâu rôh pro xôi ‘na tơniăn tung pơlê pơla, pro tơ’nhiê 23 khu ki pro xôi, pơxâu phak vâ chê 20 rơpâu ngế. Khu kŏng an xuân hiăng tơkŭm mơdêk rĕng mâu tơdroăng séa ngăn mâu rôh pro xôi ‘na cheăng kâ, kâ kơluâ xua Khu hnê mơhno Tơnêi têa ‘na hbrâ mơdât mâu ngế kâ kơluâ, mâu tơdroăng pro xôi séa ngăn ƀă hnê mơhno.

Tung hneăng, châ hlo 197 ngế ƀă 435 ngế pro xôi ‘na kâ kơluâ ‘na hnoăng cheăng. Tơdrênga mê Khu xiâm ngăn Kŏng an xuân hiăng tơbleăng pêi pro kơtăng mâu tơdroăng hnê mơhno dêi Chin phuh ‘na hbrâ mơdât on chếo ƀă tŏng xo mâu ngế hliăng tiâ. Khu xiâm hiăng hnê mơhno kŏng an mâu tíu pêi cheăng, kong pơlê thăm mơdêk rak vế tơniăn tâi tâng tơdroăng ki hbrâ mơdât on chếo, ƀă tŏng xo mâu ngế hliăng tiâ ăm tíu ối ki kŭn, hngêi ki ăm vâi mung ối tơniăn.