Tơdroăng mê vâ tối Kăn xiâm hnê ngăn tơnêi têa hiăng tơpui tơno ƀă Hô̆i đong Tơrŭm cheăng tơpui kâ Mih, tơkŭm po ai dâng 5.000 ngế, hên mâu kăn xiâm hneăng hdrối cheăng kal kí xiâm ƀă mâu kăn xiâm  ki ê, ki ai tơdjâk hên troh tơdroăng tơpui kâ dêi Mih.

Tơkéa vâ tối hneăng lăm Hôp măng tĭng hôp mâu Kăn xiâm APEC ƀă tơrŭm pêi mâu tơdroăng cheăng pơla péa pâ dêi Kăn xiâm hnê ngăn tơnêi têa Võ Văn Thưởng, kơdrâi pôa ƀă mâu kăn xiâm Việt Nam hiăng klêi tơniăn lĕm, veăng mơdêk ki rơdêi tung tơpui kâ dêi Việt Nam a tơdroăng cheăng tung APEC ƀă lâp plâi tơnêi, hlối veăng pêi ai pơxúa a tơdroăng tơbleăng tơdjuôm ‘na Tơrŭm cheăng tung tŭm tơdroăng pơla Việt Nam - Mih châ Kăn xiâm pơkuâ hnê ngăn Đảng Nguyễn Phú Trọng ƀă Kăn xiâm pơkuâ kong têa Joe Biden mơnhên a khế 9 kố nah.